الحقيقة الها كثير اوجه بس الجريمة الها وجه واحد....تفقعوش سمانا بنظرياتكم الفارطة !
انو الاحداث كثيرة والاخوان بين مسلحين ومش مسلحين، وبين انهم بحرقوا كنايس او ما بحرقوا، وبين انو اللي ماتو منهم 520 ولا 2000، صفّى بعنينيش يا جماعة لمّا ازهاق الروح البشريّة واضح وجلي... قتل!!! بالمناسبة، مش عم بقول الصورة بسيطة، لا مركبة، مش عم بقول الاخوان ملائكة، لا مش ملائكة، بس شيطنة الاخوان بالصورة هاي مش شايفها غير اشي سافل ومنحط واقصائي وغير اخلاقي.
ان في اشخاص ضد او مع نظام الاخوان، هذا راي سياسي، اقبله او لا تقبله، فيهن يتبنوا شو ما بدهن. اما انه في اشخاض مش ضد نظام عسكري يقتل الاخوان او غيرهم ( بما انو نفسو الجهاز العسكري في محمد محمود) فهذا موقف مش راي... وموقف اخلاقي خرائي اقل ما يقال فيه وملوش علاقة بالسياسة ! بدهاش تمحيص وتنقيب واسهاب واطناب الشغلة !
بالنسبة الي سقطت اقنعة كثير عن دعاة الانسانية والاخلاق والتنوير، قبل ما يكونو بادلوجاتهم المختلفة اتفق او اختلف معهم فيها !
اتضحلي انو قسم من الديمقراطيين العرب هم زي اسرائيل، ديمقراطية لليهود فقط او للي بعلنولها الولاء كيف ما هي (ويمكن لأ) . اتضحلي انو قسم من الليبراليين العرب برضو زي اسرائيل، ممكن تقبل المثلي، بس بتعريفو الجندري بدون تعريفو السياسي كفلسطيني ! بدهم يكونوا ليبراليين بمجموعة دون اخرى... بدهم يكونو ديمقراطية بمجموعة دون اخرى..
اتضلحي اكثر انو معادلة السياسة والاخلاق، معادلة صعبة جدا، وقلال اللي بقدروا يتعاملوا معها لمّا الاخر اللي قبالهم مش "آخَر كوول" ! مش بقبلوا اخر وبرفضوا اخر وفق معايير سطحية مسطّحة.. وهذا لب الحديث !
اتضحلي انو في ناس مش فاهمة اني انا واللي زيي لا ندافع عن الاخوان لانهم اخوان...بس ندافع عن انسانية وقيم داخلنا وندين القتل والقاتل، تماما كما ادنا القتل والاخوان والعسكر في محمد محمود مثلا !
انا برفضي لما يحصل مع الاخوان عم بدافع عن مفاهيم الثورة اللي قامت ضد العسكرة ونظام القمع !عم بدافع عن انسانيتي اللي بدها تحررني من المحتل اللي فارض علي دولة عسكر هو الاخر.. ما زلت لا استوعب ف كيف فلسطيني بقدر يصف مع العسكر ضد الشعب، بمصر ولا بسوريا ولا وين ما كان ، ضد اخوان ولا يسار ولا علوية ولا نساء ولا ولا ولا...
عيب!
#تحيا_مصر
#الرحمة_للشّهداء
#تحيا_الثورة_ومبادئها
#الدم_المصري_الخط_الاحمر
#يسقط_يسقط_حكم_العسكر
ليست هناك تعليقات:
إرسال تعليق